حاول تكون انسان
أخبرنى كيف غدوت اليوم رفيق
تهب الخبز للشبعانين فى السوق
والبسمة تعلو ثغرك بلا حنوق
ما دمت انسان فأنت صديق
*
صديق الظمأى لما تقطر الماء
صديق الجرحى لا تضن بالدواء
جرحى فى عطشك بلا رياء
لأنى انسان فأنا صديق
*
كنت الوذ بذاك العمر بهاك العبق
حيث الأمل ابنى البكر بهاك العقل
كل مروج الحب زرعت بتلك اليد
وعشقت الدنيا كعناق زهرة للزهر
*
ما كنت يوما هذا السيد أو ذاك العبد
ما كنت مرتادا للوهم فى ليالى العند
لكن فى طريقى للقمم نعم تعثرت
ليس الغض ايمانى وابدا ما استسلمت
*
الحقيقة هنا الاّن أعلنها وأتكلم بلا اه
بحق كل جرح أعمى عشقنى وما تلاه
بحق كل الوخز المرّالحاذق ومن سباه
نجوت لأنى وأنا فى الطين قد عرفت الله
18 comments:
صديقي ماجد
كلماتك جميلة قرأتها و انا استمع الى صوت فيروز الهادي فأتتني نغماتها هادئة كفيروز
الوخز و
الطين و معرفة الله
سعيدة و انا بقرى الكلمات
:)))))))
ماجد إنت بتروح فين ؟؟؟؟... بتتاخر جدا علي ما تكتب البوست ... عموما البوست رقيق كالعاده
سلامي ليك
الله .. الله .. الله
كلماتك مالهاش حل .. رائعة و أنت رائع
كل شوية بيظهر فيك جانب جديد
المثل بيقولك : تعرف فلان؟ آه
طب قريت بوستاته؟ لأ
تبقى ماتعرفوش
خالتك تمر حنه ..
Nada
تتصورى أنى فعلا كنت متوقع أنى الاقيكى أول تعليق على البوست ده
الظاهر أن القلوب عند بعض
reri
بصراحة أنا ماكنتش فى المود المعتاد
لكن كتبت حاجات كتيرة
لكن مش كل اللى يتكتب ينفع للنشر والمكوة
أنا عملت مدونة جديدة اسمها المرأة والرجل
مستنى رأيك
تمر حنه
أهلا أهلا بالجميل اللى دايما كده رافع معنوياتى
على فكرة يا تمرمر
أنتى ملقتيش تعليق عندك على أخر بوست منى وده ليه بقى؟ هى مش قلة أدب منى أو قلة رباية لأ اتلاكا متلكا
بس تتصورى أنى بقالى أكتر من يومين بأكتب فى التعليق على فترات مختلفة ولسه باكمل فيه معلش كان عندى كمية مشاوير كتيرة جدا بس غالبا انهاده هتلاقيه عندك فى التعليقات
والا الصورة اللى أنتى أخترتيها دى بقى يكتب فيها لوحدها بوستات دواوين شعر ونثر كمان أو كاومن
وغلاوتك جاى
ليس الغض ايمانى وابدا ما استسلمت
تحياتى للفكر الرائع
كلماتك جميله جدا
على فكره انا رجعت البلوج بتاعتى ماقدرتش ابعد عنها كتير
why can't people be more than just people !!!!
carol 2002
أنا متأكد أنك مش مجرد فنانة مرهفة المشاعر لأ أنا متأكد أنك بنت ربنا وقريبة أوى منه ومش محتاجة أفكرك بالاية اللى بتقول الذين بالايمان هزموا ممالك سدوا أفواه الأسود الخ
تفتكرى بالايمان هنواجه أيه أصعب من كده
صدقينى يا كارول أنا مقتنع أن ربنا بيدى البرد على قد الغطا بس الانسان بيعتقد خطأ أن التجربة تفوق أحتماله
Dalia
كويس أنك لقيتى حاجة عندى عجبتك
أنا روحت مدونتك لكن فضلت أقرا بوست ورا بوست كنت سهران وبعدين جه ميعاد الشغل فقمت بسرعة من غير مأكتب تعليقات
بأقولك ايه
ممكن تحجزيلى جناح لى ولأصدقائى كلهم فى المدونة عندك
أه ونسيت أقولك أن الفترة هتكون محدودة جدا فقط
مدى الحياة
هجوووووووووووووووووووووم
انتشروا
Carol
لأنهم لا يدركون أن لديهم مشكلة لذلك يستمروا فى الحياة فى شقاء بل ويتسببون فى الشقاء للأخرين
ما اروع كلماتك ماجد
نجوت لأنى وأنا فى الطين قد عرفت الله
ما اروع معانيها و ما ترمي اليه
تحياتي
:)
أنا عايزة اسيب تعليق..كان ممكن ابعثهولك امييل لكن لا عايزة اسيب تعليق هنا
بين عشرين قوس تعليقي ليس له علاقة بهذه التدوينة
صحيح يا ماجد الاحساس العالي نعمة من عند رب العالمين لكنها احيانا تنقلب الى نقمة لا خرين ممكن امثالي و امثالك...انا و انت و الناس كووووولها بنخطأ و نصيب...عادي...لكن انا و انت و ناس ثانية ساعات منستحملش اننا اخطانا و ساعات من غير خطأ منستحملش ان حد يلومنا او يحكم علينا
دي هي رسالتي ليك يا ماجد...المشكلة هي زي الخوف ...اولا فينا مش في الناس....
و كفاية جلد الذات و معاقبتها و كفاية قهر الذات ....بكررها كثير اليومين دول لكن متهيالي احنا بنعاقب نفسنا كتكفير عن ذنوبنا..و ده مرض
تحياتي يا صديقي
و لو عايز تحذف التعليق انا مش حزعل المهم انك تقراااه
سلااااااام اليك
Nada
شوفى يا ندى أنا متفق معاكى ولكن أنا معاناتى مختلفة واللى كتبته فى أول بوست فى المدونة دى حقيقى وطبعا مادام أتخذت قرار بعد تفكير مدروس يبقى لازم أتحمل عواقبه لوحدى وأنا بأكتب كنوع من أنواع ال release
وعلشان مابقاش بعيد عن الناس لما كنت صغير كنت بأحب النقاش وكنت بأهتم أنى أقنع اللى بأكلمه لكن لما كبرت خلاص مبقتش أهتم بأنى أقنع حد ما دام ده مش هيأثر على علاقتى به وفهمت أن الاختلاف دائما وابدا يفسد كل ألوان الود وليس العكس لذلك وجدت أنه يجب أن أتجنبه ووجدت أن ذلك درب من دروب الحكمة التى أنشدها
وطبعا لو عايزة تعرفى أيه علاقة ده بكلامك ؟ هأقولك أن سمو الروح تبدأ بقمع الجسد
وبعدين تعالى هنا
تحياتي يا صديقي
و لو عايز تحذف التعليق انا مش حزعل المهم انك تقراااه
أنتى ازاى تفكرى أن ماجد ممكن يمسح ل ندنودة تعليق؟
عموما ماكنش العشم
Rosa
معلش أن ردى متأخر
ليس مهما أن نكتب معانى جميلة
ولكن الأهم
أن نعتنقها
بحب جداً الأمل في ثنايا كلماتك
وبحب كمان التحدي وحب الدنيا ورفض الإستسلام
وسعيك اللامنقطع للقمم
الإنسانية هي أصل الأشياء
تسلم ايديك
:)
Incomplete
لغاية وقت قريب كنت شايف أن الأمل كذاب
وعلشان كده
قررت أعمل امل تفصيل
ملحوظة انا بأتكلم بجد
اما عن الانسانية
فأننى أرى أن مقياس التحضر هو أنت انسان بنسبة كام فى المائة؟
Post a Comment