دعوة حياة

دعوة حياة

وامتى هتعيشى حلمك والا انت مش عارفاه
وامتى هتكتبى اسمك معاه مش فى دعوة فرح
دعوة حياة

هتختريها متختريهاش هتحسبيها متحسبيهاش
هتتمنيها متتمنيهاش المهم انك حلمت

وازاى هاوصفلك أنت مين مايهمكيش متسمعنيش
خايف كلامى ما يعجبكيش المهم انك حلمت

انت الفرحة قابلتها وعرفتها وصدقتها
وكتبتها ورسمتها لكن مستنى ردها

عارف هيجى عليك يوم تقولى ياريتنى ما قابلتك
وازاى هاعيش مع الترحال وقنديلى روحك وملامحك

تتصورى لما تقابلنى الايام وتقول
متكلمهاش ومترسمهاش متزعلهاش

تتصورى مش مهم ازاى هأعيش وازاى هأقول
أنت غنوة أنت نسمة قررت ازاى تعيش
والمهم انك حلمت

طب امتى هتعيشى حلمك والا أنت مش عارفاه
وامتى يطير القلب مش لدعوة فرح دعوة حياة

وان كان مهم انك حلمت
الأهم أختارى حلمك

فكرى وقررى وأوعاكى تتهورى
ومتخافيش

لو كانت الحياة بتنتهى
دعوتى مابتنتهيش